התגלות י – פרשנות לספר ההתגלות / חזון יוחנן

התגלות י – פרשנות לספר ההתגלות / חזון יוחנן

דייליטש

וָאֵרֶא מַלְאָךְ אַחֵר אַבִּיר יוֹרֵד מִן הַשָּׁמַיִם וְהוּא עֹטֶה עָנָן וְעַל־רֹאשׁוֹ כְּמַרְאֵה הַקֶּשֶׁת אֲשֶׁר בֶּעָנָן וּפָנָיו כַּשֶּׁמֶשׁ וְרַגְלָיו כְּעַמּוּדֵי אֵשׁ׃ 2 וּבְיָדוֹ סֵפֶר קָטֹן פָּתוּחַ וַיָּשֶׂם אֶת־רֶגֶל יְמִינוֹ עַל־הַיָּם וְאֶת־שְׂמֹאלוֹ עַל־הָאָרֶץ׃ 3 וַיִּקְרָא בְּקוֹל גָּדוֹל כַּאֲשֶׁר יִשְׁאַג הָאַרְיֵה וּבְקָרְאוֹ דִּבְּרוּ שִׁבְעַת הָרְעָמִים בְּקוֹלֹתֵיהֶם׃ 4 וּכְדַבֵּר שִׁבְעַת הָרְעָמִים בְּקוֹלֹתֵיהֶם חָפַצְתִּי לִכְתֹּב וָאֶשְׁמַע קוֹל מִן־הַשָּׁמַיִם לֵאמֹר חֲתוֹם אֵת אֲשֶׁר־דִּבְּרוּ שִׁבְעַת הָרְעָמִים וְאַל־תִּכְתֹּב זֹאת׃ 5 וְהַמַּלְאָךְ אֲשֶׁר־רְאִיתִיו עֹמֵד עַל־הַיָּם וְעַל־הָאָרֶץ הֵרִים יְמִינוֹ אֶל־הַשָּׁמָיִם׃ 6 וַיִּשָּׁבַע בְּחֵי עוֹלְמֵי הָעוֹלָמִים אֲשֶׁר־בָּרָא אֶת־הַשָּׁמַיִם וְכָל־אֲשֶׁר בָּהֶם וְהָאָרֶץ וְכָל־אֲשֶׁר בָּהּ וְהַיָּם וְכָל־אֲשֶׁר־בּוֹ שֶׁאֵין עוֹד שָׁהוּת׃ 7 אֲבָל בִּימֵי קוֹל הַמַּלְאָךְ הַשְּׁבִיעִי בְּעָמְדוֹ לִתְקוֹעַ וְנִשְׁלַם סוֹד הָאֱלֹהִים כַּאֲשֶׁר בִּשֵׂר אֶת־עֲבָדָיו הַנְּבִיאִים׃ 8 וְהַקּוֹל אֲשֶׁר שָׁמַעְתִּי מִן־הַשָּׁמַיִם דִּבֶּר אֵלַי שֵׁנִית לֵאמֹר לֵךְ וְקַח אֶת־הַסֵּפֶר הַקָּטֹן הַפָּתוּחַ אֲשֶׁר בְּיַד־הַמַּלְאָךְ הָעֹמֵד עַל־הַיָּם וְעַל־הָאָרֶץ׃ 9 וָאָבֹא אֶל־הַמַּלְאָךְ וָאֹמַר אֵלָיו תְּנָה־לִּי אֶת־הַסֵּפֶר וַיֹּאמֶר אֵלַי קַח וֶאֱכֹל אֹתוֹ וְהוּא יֵמַר בְּבִטְנְךָ וּבְפִיךָ יִהְיֶה מָתוֹק כִּדְבָשׁ׃ 10 וָאֶקַּח אֶת־הַסֵּפֶר מִיַּד־הַמַּלְאָךְ וָאֹכְלֵהוּ וַיְהִי בְּפִי כִּדְבַשׁ לְמָתוֹק וְאַחֲרֵי אָכְלִי אֹתוֹ וַתִּמָּלֵא בִטְנִי מְרוֹרִים׃ 11 וַיֹּאמְרוּ אֵלָי עוֹד תָּשׁוּב תִּנָּבֵא עַל־עַמִּים וְגוֹיִם וּלְשֹׁנוֹת וּמְלָכִים רַבִּים׃

תרגום חדש:

 רָאִיתִי מַלְאָךְ אַחֵר רַב־כֹּחַ יוֹרֵד מִן הַשָּׁמַיִם וְהוּא לָבוּשׁ עָנָן; קֶשֶׁת עַל רֹאשׁוֹ, פָּנָיו כַּשֶּׁמֶשׁ וְרַגְלָיו כְּעַמּוּדֵי אֵשׁ, 2 וּבְיָדוֹ סֵפֶר קָטָן פָּתוּחַ. הוּא שָׂם אֶת רַגְלוֹ הַיְמָנִית עַל הַיָּם וְאֶת הַשְֹמָאלִית עַל הָאָרֶץ, 3 וְקָרָא בְּקוֹל גָּדוֹל כְּאַרְיֵה שׁוֹאֵג. כַּאֲשֶׁר קָרָא דִּבְּרוּ שִׁבְעַת הָרְעָמִים בְּקוֹלוֹתֵיהֶם; 4 וּכְשֶׁדִּבְּרוּ שִׁבְעַת הָרְעָמִים הִתְכַּוַּנְתִּי לִכְתֹּב, אַךְ שָׁמַעְתִּי קוֹל מִן הַשָּׁמַיִם אוֹמֵר: “חֲתֹם אֶת אֲשֶׁר דִּבְּרוּ שִׁבְעַת הָרְעָמִים וְאַל תִּכְתֹּב זֹאת.” 5 וְהַמַּלְאָךְ שֶׁרְאִיתִיו עוֹמֵד עַל הַיָּם וְעַל הָאָרֶץ הֵרִים אֶת יַד יְמִינוֹ הַשָּׁמַיְמָה 6 וְנִשְׁבַּע בַּחַי לְעוֹלְמֵי עוֹלָמִים, אֲשֶׁר בָּרָא אֶת הַשָּׁמַיִם וְאֶת אֲשֶׁר בָּם וְאֶת הָאָרֶץ וְאֶת אֲשֶׁר בָּהּ וְאֶת הַיָּם וְאֶת אֲשֶׁר בּוֹ – שֶׁלֹּא תִּהְיֶה עוֹד שָׁהוּת. 7 אוּלָם בִּימֵי קוֹל הַמַּלְאָךְ הַשְּׁבִיעִי, בְּעָמְדוֹ לִתְקֹעַ בַּשּׁוֹפָר, גַּם יֻשְׁלַם סוֹד הָאֱלֹהִים, כְּמוֹ שֶׁבִּשֵֹר לַעֲבָדָיו הַנְּבִיאִים.

8 וְהַקּוֹל אֲשֶׁר שָׁמַעְתִּי מִן הַשָּׁמַיִם דִּבֵּר אֵלַי שׁוּב וְאָמַר: “לֵךְ קַח אֶת הַסֵּפֶר הַפָּתוּחַ שֶׁבְּיַד הַמַּלְאָךְ הָעוֹמֵד עַל הַיָּם וְעַל הָאָרֶץ.” 9 הָלַכְתִּי אֶל הַמַּלְאָךְ וְאָמַרְתִּי לוֹ שֶׁיִּתֵּן לִי אֶת הַסֵּפֶר הַקָּטָן. אָמַר אֵלַי: “קַח וֶאֱכֹל אוֹתוֹ, הוּא יֵמַר בְּבִטְנְךָ, אַךְ בְּפִיךָ יִהְיֶה מָתוֹק כִּדְבַשׁ.” 10 לָקַחְתִּי אֶת הַסֵּפֶר הַקָּטָן מִיָּדוֹ שֶׁל הַמַּלְאָךְ וַאֲכַלְתִּיו; בְּפִי הָיָה מָתוֹק כִּדְבַשׁ, אֲבָל אַחֲרֵי אָכְלִי אוֹתוֹ הֵמַר לְבִטְנִי. 11 אָז אָמְרוּ לִי: “עָלֶיךָ עוֹד לְהִנָּבֵא עַל עַמִּים וְאֻמּוֹת וּלְשׁוֹנוֹת וּמְלָכִים רַבִּים.”